ARABIAR DANTZA GASTEIZEN

CONTRATACIONES

2009-04-14T13:07:00.000-07:00

www.diosasdeldesierto@hotmail.com

654854074

3.ataza

2009-01-15T06:58:00.000-08:00

Hona hemen Ikus-Entzunezko Komunikazio eta Publizitateko 31. taldekide batzuk egindako telebista, Gorka Palazioren Irrati eta Telebistako Informazioaren Teoria eta Teknika irakasgaiako 3. ataza. Aukeratutako gaia, ska eta reggae musika izan da. GOZA EZAZU!!

EGILEAK

Ane de la Presa, Eider Domínguez, Oihan Chavarri, Paula Palomares eta Mikel Sáenz de Buruaga

PROGRAMAZIOA

(orduak ikuslearen erosotasunerako biribildu dira, eta gutxi gorabeherakoak dira)

02.15 / 14.15 : SARRERA eta OBRINT PAS talde valentziarraren kontzertua (1:44.38)

04.00 / 16.00 : REGGAE EMANALDIA. Bob Marleyren dossierra eta beste batzuk (3:03.14)

07.00 / 19.00 : SKINHEAD ATTITUDE dokumentalaren lehenengo zatia (0:44.00)

07.45 / 19.45 : SKA ETA REGGAE EUSKAL HERRIAN. Kortatu, Hertzainak, Potato, Zarama, Fermin Muguruza, etab. (2:45.51)

10.30 /22.30 : HISTORIAREN ERREPASOA. Jamaica ska-reaggetik, Britania Handiko 2-tone skara (3:42.16)

ON-DEMAND BIDEOAK

On-Demand moduan jarri ditugun bideoak gure taldeak berak sortutako bideolanak izan dira, eta honako bi hauek dira:

- SARRERA. Ska eta Reggaeren historiari buruzko irudiekin eta Laurel Aitken-en musikarekin egindako bideolana.

- KALE GORRIAN SPOTA. Judimendiko Gazte Asanbladaren eskaeraz, spot bat sortu dugu Akto Reflejo eta Aketza Iruñeako Oi! eta Ska musika taldeen abesti batekin.

Kontzeptuak parekatu

2008-12-23T05:11:00.000-08:00

Jirafa
Telebistaren alorrean erabiltzen den hitza beso artikulatu moduko tresna bat izendatzeko, hots, mikrofonoa daraman besoa mikroa bera esatariengandik ahalik eta hurbilen ipintzeko iruditik landa utziz.

Slow Motion
Irudi mugimendua moteltxoago erreproduzitzea.

Teleprompterra
Telebista platoan testuak seinalatzeko sistema digitala. Telebista kameraren ondoan kokatzen da pantaila, esatariak pantailara begiratzen duenean testua irakur dezan, era horretan begirada aurrera zuzenduz eta tinkotuz.

Bitakora
Iberoamerikan erabiltzen den hitza berriemaileentzako eskuliburuak izendatzeko.

Klaketa
Telebistan eta zinemagintzan erabiltzen den terminoa arbel txiki bat (zurezko listoi txikerra daukana) izendatzeko. Irudiak eta soinuak sinkronizatzeko erabiltzen da arbelezko tresna hori.

Close up-a
Telebistan eta zinemagintzan erabiltzen den hitza esatari edo aktore baten lehen planoa izendatzeko (sorbaldarainokoa) edo lehen-lehen planoa adierazteko.

Dolly-a
Karro batean ezarrita doan garabi txikia, telebista estudioetan erabiltzen dena kamerak leku batetik bestera eramateko. Estudio bakoitzean hiru kamera egon ohi dira eta horietariko batek hain zuzen tresa hau darama.

Jingle-a
Ingelesezko hitza, irratian erabilia eta publizitate doinu arrakastatsuak izendatzeko erabili ohi dena.

Klimaxa
Narrazio baten une gorena (dela irratsaio batena, dela telesaio batena) izendatzeko erabiltzen den terminoa.

Ekoizpena
Irratsaio edo telesaio bat egiteko behar diren baliabide finantziero, material eta juridikoez arduratzea.

Nor da pertsonaia ezkutatua?

2008-12-23T04:53:00.000-08:00

Vladímir Kozmich Zvorykin:

Errusian sortu zen, Murom hirian hain zuzen, 1899an; eta 1982an hil zen. AEBetan bizitza profesionala egin zuen asmatzaile honek Vladimir zeukan izena. Aditu askok diote bera izan zela telebista elektronikoaren eta bideoaren aita. 1923an, ikonoskopioa asmatu zuen, hau da, irudiak jasotzeko tutua. 1929an kineskopioa ere asmatu zuen. Westinghouse eta Radio Corporation of America (RCA) enpresetan lan egin zuen. II. Mundu Gerran AEBetako gobernurako aholkulari zientifikoa izan zen.

Ted Turner:

CNN telebista kate ospetsuaren jabea eta gizon aberatsa. 1938. urtean sortu zen eta Robert Edward izena jarri zioten gurasoek. Familia aberats baten hirugarren pertsonaia ospetsua. 2002an, 9.300 milioi dolar galdu zituen AOL Time Warner enpresak kolapsoa eduki zuenean merkatuan. United Nations Foundation-i mila milioi dolar eman zion. Jane Fonda artistarekin egon zen ezkondurik.

Joxe Mari Iriondo Unanue

Kazetari, idazle, telebistalari eta kultur eragile gipuzkoarra. Urrestillan jaioa, 1938an. Merkataritza ikasketak egin ostean, Loiolako Herri Irratian hasi zen esatari lanetan 1962tik 1982ra bitartean. Ez dok amairu taldearen sortzaileetarikoa eta ETBko erredaktore-burua 1983tik 1985ra. Euskaltzain urgazlea eta ETBko zuzendari eta programazio-buru ohia izan zen. Liburu batzuen idazlea: Noiz amatxo? eta Euskal dantzak, kasurako.

Ramon Labaien

Euskal Telebistaren proiektua pertsonaia honek burutu zuen. Tolosan jaio zen 1928an eta aita idazle ospetsua izan zen Tolosako alkatea eta EAJkidea izateaz gain. Bere ekimenez ETBz gain, HABE, Euskadi Irratia eta Euskadiko Orkestra sinfonikoa ere sortu ziren.

2.ataza Finantza Krisia

2008-12-11T04:43:00.000-08:00

Filmari Buruzko Iruzkina

2008-10-28T05:45:00.000-07:00

Dokumental hau oso interesgarria iruditu zait, gutxi ezagutzen dugun errealitate bat erakusten duelako. Bertan, ikus dezakegu nola herrialde azpigaratuetan bizi diren umeak esplotatuak izaten diren, nola kutsatzen den ingurugiroa, zein gaizki tratatzen diren animaliak, etab.

Honez gain, dokumentalean zehar zenbait korporatibatako hainbat enpresari agertzen dira, korporatibek gaiztakeriak egiten dituztela eta hori aldatu beharra dagoela esanez. Barregarria da pentsatzea haiek direla horren errudunak. Beraz, zergatik agertzen dira dokumentalean euren erruak azaltzen? Hara ze paradoxa!

Baina, niretzat, larriena honakoa da: jakiteak karrera amaitu ondoren eta publizitatearen munduan lanean hasi ondoren, ni izango naizela korporatiben eskrupulu gabeko enpresari horien iragarkiak egingo dituena eta euren salmentak ugarituko dituena.

TOP 7

2008-10-16T07:53:00.000-07:00

http://www.cinetube.com/: youtuberen antzekoa da, baina oso abantaila interesgarri bat ere du, hain zuzen, zineman darabilten film ugari online ikus ditzakegu, deskargarik egin behar gabe.

http://www.eitb24.com/: ETB telebista kanalak web orrialde bat sortu du egungo teknologiatara egokitzeko eta kontsumitzaileok edozein momentutan gaurkotasunezko berriak, etab. kontsultatu ahal izateko.

http://www.blogger.com/: web helbide honek internauta askoren espazio pertsonalak eta indibidualak biltzen ditu, edonork ikus eta konpartitu ditzan.

http://www.google.com/: bilatzaile famatuena bihurtu da. Edozein eratako informazioa aurki daiteke helbide honetan. Gainera, ez du dokumenturik lapurtzen, linkak baino ez baititu sortzen; beraz, hor ez dago arazorik.

http://www.youtube.com/: gaur egun, gazteok gehien bisitatzen dugun web orria da, googlerekin batera. Bertan, denetariko musika baina batez ere bideoak aurki ditzakegu, geurea propioa igo ere bai.

http://www.moodle.ehu.es/: plataforma hau oso erabilgarria da EHUko ikasle zein irakasleentzat apunteak (bideoak eta audiak ere bai) etxetik eskuratzeko.

http://www.egaztea.com/: honetan, musika ez ezik “Euskadi Gaztea” irratia zuzenean ere entzun dezakegu ordenagailuaren (edota jada mobilaren) bidez.

ETB1-ren DEFINIZIOA

2008-10-15T07:51:00.000-07:00

ETB1 Euskal Herriko telebista kate bat da. Euskaraz emititzen da, ETB2 eta ETB3 (orain arte ETB SAT izan eta TDTan ikus zitekeena) ez bezala, hauek gazteleraz gauzatzen dira eta.

ETB1 1982ko abenduaren 31an emititu zen lehenengo aldiz, euskal hizkuntza sustatzeko asmoz. Gaur egun, telebista kate honen sukurtsala Bilbon kokatuta dago (ikus ezazue behean kokatutako EITBri buruzko bideoa).

ETB1ean edozein adinako publikoari zuzenduta dago, umeentzako (adibidez, Betizu) zein gazteentzako edo helduentzako programazioa (esate baterako, Goenkale) telebistatzen baitu.